Թուրքիայի զինված ուժերը նոր կորուստներ ունեն
Թուրքիայի Դողուբայազետ (Բայազետ) գավառում գտնվող Թոնդրակ լեռան շրջանում Քրդական բանվորական կուսակցության (PKK) անդամները հարձակում են գործել թուրքական զինված ուժերի ներկայացուցիչների վրա: Այս մասին հայտնում է թուրքական «Հուրիեթ» պարբերականը: Քուրդ զինյալների հարձակման հետևանքով երկու թուրք զինվոր սպանվել են, չորսը վիրավորվել: Հաղորդվում է, որ Թոնդրակ լեռան շրջանում բախումները շարունակվում են:
