Քերին ամերիկացի ուսանողներին խորհուրդ է տվել սովորել ռուսաց լեզուն. Politico
ԱՄՆ-ի նախկին պետքարտուղար Ջոն Քերին ամերիկացի ուսանողների առջեւ իր ելույթի ընթացքում նրանց խորհուրդ է տվել սովորել ռուսաց լեզուն: Մասաչուսեթսի նահանգում Հարվարդի համալսարանին կից Ջոն Քենեդիի անվան Կառավարման դպրոցի սովորողների առջեւ նրա ելույթից հատվածներ է հրապարակել Politico թերթը:
«Ինձ հաճախ են հարցնում, թե որն է կառավարության վրա իրական ազդեցության գաղտնիքը: Դե ինչ, ամեն ինչ փոխվեց ոչ այնքան վաղուց: Այսօր նայելով Սպիտակ տանը՝ ես կասեի, որ անհրաժեշտ է դասագիրք գնել եւ սովորել ռուսաց լեզուն»,-հայտարարել է նախկին պետքարտուղարը:
Քերին քննադատել է ԱՄՆ-ի նախագահ Դոնալդ Թրամփին. «Պետության ղեկավարի համար, պետություն, որն ԱՄՆ-ի Սահմանադրության մեջ առաջին ուղղումն է մտցրել խոսքի ազատության մասին, նորմալ չէ ամեն օր նվաստացնել լրագրողներին եւ նույնիսկ սպառնալ նրանց:
Նորմալ չէ, երբ Հետաքննությունների համապետական բյուրոյի ղեկավարին առանց քաշվելու ազատում են աշխատանքից այն պատճառով, որ նա հետաքննում էր Ռուսաստանի ազդեցությունը նույն այն մարդու ընտրարշավի վրա, ով նրան հեռացրել է»,-հաղորդել է ՏԱՍՍ-ը։
