«Մոնակոն» հրաժարվել է 75 մլն եվրոյով Կիլիան Մբապեին վաճառել «Լիվերպուլին»
Մոնեգասկների ղեկավարությունը իննանիշ գումար է ուզում:
«Լիվերպուլը» բոլոր մրցակիցներից ամենամոտն էր հասել Կիլիանի տրանսֆերին: Մերսիսայդցիները պատրաստ էին 18-ամյա հարձակվողի համար վճարել 75 մլն եվրո, բայց «Մոնակոյին» այդ գինը ձեռք չի տալիս:
Մոնեգասկները կդիտարկեն վունդերկինդի վաճառքի տարբերակը միայն եթե առաջարկը անցնի 100 մլն եվրոյից: Ընդ որում, ինչպես հաղորդում է Marca-ն, «Մոնակոյի» նախագահ Դմիտրի Ռիբոլովլևը մտադիր է պահել Մբապեին թիմում նվազագույնը ևս մեկ մրցաշրջան:
2016-17թթ. մրցաշրջանի պաշտոնական 43 խաղերում Մբապեն դարձել է 26 գոլի հեղինակ:
«Մոնակոն» 2000 թվականից սկսած առաջին անգամ դարձավ Ֆրանսիայի չեմպիոն:
Պատրաստեց Անի Գաբուզյանը
