Գառնիի ճոպանուղու կառուցման համար չի բացառվում հանրային-մասնավոր համագործակցությունը
Կոտայքի մարզի Ազատ գետի կիրճում ճոպանուղու կառուցման համար քննարկման փուլում են ֆինանսավորման հարցերը: Լրագրողների հետ ճեպազրույցում ՀՀ փոխվարչապետ, Միջազգային ինտեգրման եւ բարեփոխումների նախարարի պաշտոնակատար Վաչե Գաբրիելյանը չբացառեց հանրային-մասնավոր համագործակցությունը:
«Վերջնական ծրագիր, որը մենք կֆինանսավորենք վարկային միջոցներով, չկա»,- ասաց նա:
Գառնիի ճոպանուղին օդային կամուրջ կդառնա ինչպես մշակութային եւ պատմամշակութային վայրերի, այնպես էլ դեպի Քարերի Սիմֆոնիան, Ազատ գետի կիրճը, Խոսրովի գեղատեսիլ արգելոցը:
Ճոպանուղու առկայության դեպքում հնարավոր են ներդրումներ ` հյուրանոցային եւ ռեստորանային նոր համալիրների կառուցման համար:
