«Կհեռանամ «Ատլետիկոյից» միայն «Նյու Յորք Նիքսում» Դերիկ Ռոուզի հետ խաղալու համար». Անտուան Գրիզման

Ֆրանսիացին շատ է սիրում NBA-ը:
«Ատլետիկոյի» հարձակվողը պատմել է, թե որ թիմը կստիպի իրեն հեռանալ «Ատլետիկոյից»: Ավելի վաղ ԶԼՄ-ները հաղորդել էին, որ ֆուտբոլիստի նկատմամբ հետաքրքրություն են ցուցաբերում եվրոպական այնպիսի թոփ ակումբներ, ինչպիսին են «Մանչեսթեր Յունայթեդը», «Ռեալը», «Բավարիան» և ՊՍԺ-ն:

«Կհեռանամ «Ատլետիկոյից» միայն NBA-ում Դերիկ Ռոուզի հետ «Նյու Յորք Նիքսում» խաղալու համար»,- հայտարարել է Անտուանը:

Հարձակվողի պայմանագիրն «Ատլետիկոյի» հետ նախատեսված է մինչև 2021 թվականը:
Ավելի վաղ հաղորդվել էր, որ ֆրանսիացին ամռանը տեղափոխվելու է «Մանչեսթեր Յունայթեդ»:

Transfermarkt-ն Անտուանին գնահատում է 80 մլն եվրո:

Պատրաստեց Անի Գաբուզյանը