Դոնալդ Թրամփը Սաուդյան Արաբիա է ժամանել
Միացյալ Նահանգների նախագահ Դոնալդ Թրամփն առաջին արտասահմանյան շրջագայության շրջանակում մայիսի 20-ին ժամանել է Սաուդյան Արաբիա: Այս մասին հայտնում է ՏԱՍՍ-ը:
Սաուդյան Արաբիայից հետո Թրամփը կայցելի Իսրայել, ապա Վատիկան, ինչից հետո Բրյուսելում կմասնակցի ՆԱՏՕ-ի գագաթնաժողովին, իսկ Սիցիլիայում Մեծ յոթնյակի ղեկավարների հանդիպմանը:
Սաուդյան Արաբիա կատարած առաջին այցի ընթացքում ԱՄՆ նախագահն այդ երկրի ղեկավարության հետ կքննարկի համագործակցության ամրապնդմանն ու հարաբերությունների զարգացմանն առնչվող հարցեր:
Մայրաքաղաք Էր Ռիյադում ծրագրված է Թրամփի հանդիպումը Սաուդյան Արաբիայի թագավոր Սալման բեն Աբդել Ազիզ ալ Սաուդի հետ: Սաուդաամերիկյան գագաթնաժողովն անց է կացնելու «Միասին մենք կհասնենք նպատակին» կարգախոսի ներքո:
