«Մի երեք հատ շուն կա, գնամ սատկացնեմ՝ գամ». այսօր Արցախում զոհված Մոնթեի ծննդյան օրն է
Այսօր 2016թ. ապրիլին Արցախում ռազմական գործողությունների հետևանքով զոհված Բենիամին Եղոյանի ծննդյան օրն է։ Նա կդառնար 25 տարեկան։ Բենիամին Եղոյանը ծնվել է 1992թ. մայիսի 19-ին Շիրակի մարզի Մեծ Մանթաշ գյուղում:
Բենիամինը կրում էր ավագ եղբոր անունը, ով մանուկ հասակում մահացել էր դժբախտ պատահարի արդյունքում. hետագայում, երբ 1992թ. մյուս որդին է ծնվել, նրան Բենիամին անունն են տվել։ Դեռ փոքր հասակից Բենիամինին նաև Մոնթե են անվանել, քանի որ Արցախյան ազատամարտի ժամանակաշրջանն է եղել։
Մի քանի տարի դպրոցում սովորելուց հետո Բենիամինը տեղափոխվել է «Փոքր Մհեր» ռազմական կրթահամալիր, ապա իր ընտրությամբ ընդունվել և սովորել է ՀՀ ՊՆ Վազգեն Սարգսյանի անվան ռազմական ինստիտուտում։Բենիամինի հայրը ևս զինվորական է, Արցախյան պատերազմի մասնակից, երկար տարիներ աշխատել է պաշտպանության նախարարարությունում։ Բենիամինի հայրը 168.am-ին պատմել էր, որ պատերազմի օրերին որդին օրերին խոսել էր նաև կնոջ հետ՝ ասելով. «Մի երեք հատ շուն կա, գնամ սատկացնեմ՝ գամ»։
