Մխիթարյանն ու Օբամեյանգը կարող են կրկին խաղալ նույն ակումբում
«Մանչեսթեր Յունայթեդն» ամռանը ցանկանում է ձեռք բերել Դորտմունդի «Բորուսիայի» հարձակվող Պիեր-Էմերիկ Օբամեյանգին:
Ֆրանսիական L’Equipe-ը նշում է, որ Օբամեյանգը կարող է տեղափոխվել Անգլիա՝ միանալով իր նախկին խաղընկեր Մխիթարյանին:
Ինչպես արդեն տեղեկացրել ենք, մանչեսթերյան ակումբը շատ լուրջ տրանսֆերային նպատակներ ունի այս ամառ:
Հիմնական տրանսֆերային թիրախը մանչեսթերցիների համար Մադրիդի «Ատլետիկոյի» հարձակվող Անտուան Գրիզմանն է:
Ըստ պարբերականի՝ միայն այս տրանսֆերի ձախողումից հետո մանչեսթերցիները լուրջ առաջարկով կդիմեն Օբամեյանգին:
Սիրարփի Աղաբաբյան
