«Բարսելոնան» նոր գլխավոր մարզչի անունը կհայտնի մայիսի 29-ից ոչ շուտ
Քիչ մնաց սպասենք:
Կատալոնացիների երկրպագուները կիմանան նոր գլխավոր մարզչի անունը մայիսի վերջին կամ հունիսի սկզբին:
«Մինչև մայիսի 29-ը մարզչի անունը չի տրվի: Ակումբը կհայտարարի որոշումն Իսպանիայի գավաթի եզրափակիչից հետո»,- հայտնել է «Բարսելոնայի» ներկայացուցիչներից մեկը Mundo Deportivo-ին:
«Բարսելոնայի» գլխավոր մարզչի պաշտոնի թեկնածուներ են հանդիսանում Էռնեստո Վալվերդեն, Լորան Բլանը և Լուիս Էնրիկեի օգնական Խուան Կարլոս Ունսուեն:
Էնրիկեի գլխավորությամբ «Բարսելոնան» 2016-17թթ. մրցաշրջանում հասավ մինչև Իսպանիայի գավաթի եզրափակիչ, դուրս թռավ Չեմպիոնների լիգայի քառորդ եզրափակչից և կիսում է առաջին տեղը «Ռեալի» հետ:
Ավելի վաղ Էնրիկեն հայտնել էր, որ մրցաշրջանի ավարտից հետո կհեռանա ակումբից:
Պատրաստեց Անի Գաբուզյանը
