«Ես ինձ ԱԺ նախագահի պաշտոնի թեկնածու չեմ համարում». Կարեն Կարապետյան. 1in.am
Ապրիլի 2-ի խորհրդարանական ընտրություններից հետո ի թիվս ԱԺ նախագահի պաշտոնի հավանական այլ թեկնածուների, շրջանառվում է նաև ԱԺ պատգամավոր Կարեն Կարապետյանի անունը: Այսօր 1in.am-ի թղթակցին վերջապես հաջողվեց հեռախոսազրույց ունենալ Կարեն Կարապետյանի հետ:
Հարցին, թե որքանով է հավանական իր` ԱԺ նախագահ ընտրվելը՝ Կարապետյանը պատասխանեց. «Ես ինձ ԱԺ նախագահի պաշտոնի թեկնածու չեմ համարում, ես ինձ տեսնում եմ պատգամավորի կարգավիճակում, -ասաց Կարեն Կարապետյանը և հավելեց.- Երեսուն տարի նույն բանն եք գրում, շարունակ ինձ կամ վարչապետ, կամ ԱԺ նախագահ եք նշանակում, միթե չհոգնեցիք: Կարծես մեր երկրում այլ, ավելի կարևոր թեմաներ չկան. բոլորին միայն պաշտոններն են հետաքրքրում: Ես ներկայումս արտերկրում եմ, զբաղված եմ իմ գործերով…»:
Նշենք, որ մայիսի 14-ին Երևանի ավագանու ընտրություններին լրագրողները ՀՀ վարչապետ Կարեն Կարապետյանից հետաքրքրվել էին, թե արդյոք վարչապետը Կարեն Կարապետյանին տեսնում է ԱԺ նախագահի պաշտոնում, վերջինս նշել էր. «Այո, ինչու ոչ»:
