Եվրոպոլը հայտարարել է կիբերհարձակման ահագնացող սպառնալիքի մասին
Աշխարհի 150 երկրի ավելի քան 200 հազար բնակչի վրա իր ազդեցությունն է թողել մայիսի 12-ին իրականացված կիբեր հարձակումը: Այս մասին ասել է Եվրամիության ոստիկանական ծառայության` Եվրոպոլի ղեկավար Ռոբ Ուեյնռայթը:
Բրիտանական ITV-ի հետ զրույցում նա ընդգծել է, որ աշխարհն առճակատվել է ահագնացող սպառնալիքի:
Վիրուսի թիրախում են հայտնվել օգտատերերի էլեկտրոնային փաստաթղթերը, նրանցից պահանջում են գումարներ: Հատկապես մեծ հարվածի տակ են հայտնվել Ռուսաստանը եւ Միացյալ Թագավորությունը: Անվտանգության փորձագետները զգուշացրել են, որ նոր հարձակումն անխուսափելի է, եւ հնարավոր է՝ արդեն անկասելի:
