Թուրք գնդապետը հրաժարվել է ԱՄՆ զինուժի շքանշանից
Ադանայում գտնվող Ինջիրլիքի ռազմաբազայի կոալիցիոն ուժերի շտաբում կայացած պարգևատրման արարողության ժամանակ ԱՄՆ-ի զինուժի գեներալը մարտական հաջողությունների համար շքանշանով է պարգևատրել թուրքական բանակի գնդապետ Օրքուն Օզելլերին: Ինչպես հայտնում է թուրքական «Milliyet»-ը, գնդապետ Օզելլերը հրաժարվել է ընդունել այդ մեդալը՝ պատճառաբանելով.
«Ձեզ, իհարկե, վշտացնել կամ վիրավորել չեմ ցանկանում, բայց ես չեմ կարող ընդունել այս շքանշանը: Որովհետև այս մեդալը տվողները համագործակցում են իմ թշնամի քրդական ուժերի (YPG) հետ: Հետևաբար պատիվս թույլ չի տալիս ընդունել այս մեդալը»:
Թուրք զինվորականի այս քայլը լայն արձագանք է գտել սոցիալական մեդիայում և արժանացել բազմաթիվ դրվատանքի խոսքերի:
