Քենիայում ավտոբուսի և երկու բեռնատարների բախման հետևանքով 19 մարդ է զոհվել
Քենիայի կենտրոնական հատվածում` մայրաքաղաք Նայրոբիից 120 կիլոմետր հեռավորության վրա` Գիլգիլ քաղաքի մոտակայքում, մայիսի 13-ի առավոտյան ավտոբուսը բախվել է երկու բեռնատար մեքենաների. 19 մարդ է զոհվել:
«Այս առավոտ սարսափելի վթար է տեղի ունեցել: Տեղում զոհվել է 18 մարդ»,հայտարարել է ոստիկանապետ Հասան Բարուան: Ինչպես հաղորդում է «ՌԻԱ նովոստի»-ն, ավտոբուսի ուղևորներից մեկը մահացել է հոսպիտալացվելուց հետո: Ոստիկանության վիճակագրական տվյալների համաձայն` Քենիայում ճանապարհատրանսպորտային պատահարներից ամեն տարի մոտավորապես 3000 մարդ է զոհվում: Բախումների հիմնական պատճառը վարորդների անզգուշությունն է:
