Ձերբակալվել է Գագարին գյուղում 3 հոգու մահվան պատճառ դարձած ողբերգական ավտովթարի 64-ամյա կասկածյալ վարորդը

Ինչպես տեղեկացրել էինք՝ մայիսի 11-ին, ժամը 18.30-ի սահմաններում, «ԶԻԼ» մակնիշի ավտոմեքենան Իջևան-Երևան ճանապարհի 92-րդ կմ-ին բախվել էր «Ֆորդ» մակնիշի ավտոմեքենայի, այնուհետև դուրս էր եկել հանդիպակաց ուղեմաս և բախվել «ՎԱԶ-2107» մակնիշի ավտոմեքենայի:

Պատահարի հետևանքով «ՎԱԶ-2107»-ի ուղևորուհին՝ 1961 թ. ծնված Աիդա Ջառահյանը, տեղում մահացել էր, իսկ «ՎԱԶ-2107»-ի վարորդը և մյուս 2 ուղևորը՝ 1993 թ. ծնված Սերգեյ Բադալյանը և 1932 թ. ծնված Էմմա Դավթյանը, մարմնական վնասվածքներով տեղափոխվել էին հիվանդանոց, որտեղ Է. Դավթյանը և Ս. Բադալյանը մահացել էին:
«ԶԻԼ»-ի վարորդը թողել էր դեպքի վայրը և դիմել փախուստի:

Ոստիկանության Սևանի բաժնի ծառայողների բացատրական աշխատաների շնորհիվ, մայիսի 11-ին, ժամը 23.45-ին, «ԶԻԼ»-ի 64-ամյա վարորդը մեղայականով ներկայացել է Սևանի քննչական բաժին և մայիսի 12-ին, ժամը 00.50-ին, ձերբակալվել ՀՀ քր. օր.-ի 242 հոդվածի 3-րդ մասով և 244 հոդվածով նախատեսված հանցագործություն կատարելու կասկածանքով:

Լուսանակրը՝ Գագիկ Շամշյանի։