20-ից ավելի մարդ է զոհվել Պակիստանի Սենատի փոխնախագահի ավտոշարասյան պայթեցման հետևանքով
20-ից ավելի մարդ է զոհվել Պակիստանի Սենատի փոխնախագահ Մաուլան Հայդերիի ավտոշարասյան պայթեցման հետեւանքով: Այդ մասին հայտնել է Geo TV հեռուստաալիքը: Ավելի վաղ հաղորդվել էր 10 զոհվածների եւ 35 տուժածների մասին:
Պայթյունը մայիսի 12-ին տեղի է ունեցել Բելուջստանի նահանգի Մասթունգի շրջանում: Ավտոշարասյունը պայթեցրել են, երբ Հայդերին վերադառնում էր միջոցառումից: Նա հոսպիտալացվել է Քվետայի զինվորական կլինիկայում:
«Ես աննշան վնասվածքներ եմ ստացել, զոհվել են ինձ ուղեկցողներից մի քանիսը»,-Սենատի փոխնախագահի խոսքը մեջբերված է նրա կուսակցության՝ «Ջամիաթուլուլեմաի իսլամ (Ֆ)»-ի օգտահաշվում: Պակիստանյան մի քանի ԶԼՄ-ների տվյալներով՝ Հայդերիին հաջողվել է խուսափել լուրջ վերքերից, քանի որ նա իր մեքենայում չի եղել: Մինչդեռ
նրա վարորդը զոհվել է:
Առայժմ ոչ մի խմբավորում չի ստանձնել տեղի ունեցածի պատասխանատվությունը: Նաեւ չի պարզվել՝ խոսքն արդյոք մահապարտ ահաբեկչի մասին է, թե ֆուգասի պայթելու, հաղորդել էՌԻԱ Նովոստին:
