«Հնարավոր է՝ «Սելտան» ավելի արժանի էր եզրափակիչ դուրս գալուն, քան «Մանչեսթեր Յունայթեդը»». «Սելտայի» գլխավոր մարզիչ
«Սելտայի» գլխավոր մարզիչ Էդուարդո Բերիցոն կիսվել է Եվրոպայի լիգայի կիսաեզրափակչում «Մանչեսթեր Յունայթեդի» դեմ անցկացրած պատասխան խաղի տպավորություններով (1:1): Եզրափակիչ դուրս եկան մանկունյանցիները, որոնք առաջին խաղը հաղթել էին 1:0 հաշվով:
«Այսօր «Սելտան» շատ ավելի լավ խաղաց, քան «Մանչեսթեր Յունայթեդը» մեր մարզադաշտում: Հնարավոր է՝ հենց մենք էինք արժանի եզրափակիչ դուրս գալուն: Մեր թիմը շատ լավ ֆուտբոլ ցուցադրեց և պրակտիկորեն «Մանչեսթեր Յունայթեդին» չթողեց ինչ-որ բան անել, բացառությամբ գոլի պահի: Կարծում եմ՝ մանկունյանցիները փորձում էին կաշկանդել մեզ: Մրցավարության մասին չեմ ուզում խոսել»,- Բերիցոյի խոսքերն է մեջբերում Mirror-ը:
Պատրաստեց Անի Գաբուզյանը
