«Զլատանը կարող է դեռ շատ տարիներ խաղալ». Իբրահիմովիչի վիրաբույժ
Լավ նորություններ «Մանչեսթեր Յունայթեդի» երկրպագուների համար:
«Ես չեմ կարող շատ մանրամասներ բարձրաձայնել, չեմ ուզում անախորժություններ ունենալ «Մանչեսթեր Յունայթեդի» հետ: Բայց կարող եմ ասել, որ Իբրահիմովիչը գտնվում է հիասքանչ մարզավիճակում բոլոր առումներով:
Ոսկորները, մկանները, ամեն ինչ այնքան լավ է, որքան որ կարելի էր պատկերացնել: Նա լավագույն մարզիկներից մեկն է, ում հետ ես երբևէ հանդիպել եմ: Նա գերազանց մարզավիճակում է: Նա կարող է դեռ երկար տարիներ խաղալ»,- վիրաբույժ Ֆրեդի Ֆուին է մեջբերում South China Morning Post-ը:
Եվրոպայի լիգայի քառորդ եզրափակչում «Անդերլեխտի» հետ անցկացրած խաղի ընթացքում Իբրահիմովիչը վնասեց ծունկը և շարքից դուրս եկավ 9 ամսով:
Ավելի վաղ Մինո Ռայոլան և Զլատանը հայտնել էին, որ հարձակվողն անպայման դաշտ կվերադառնա:
Պատրաստեց Անի Գաբուզյանը
