ԱՄՆ-ի Պետդեպը հավանություն տվեց ԱՄԷ-ին 2 մլրդ զենքի վաճառքին
ԱՄՆ-ի Պետական դեպարտամենտը հավանություն է տվել Արաբական Միացյալ Էմիրություններին (ԱՄԷ) 2 միլիարդ դոլար գումարի «Պետրիոտ» համակարգի 160 հրթիռների վաճառքի գործարքին, տեղեկացնում է BBC-ին:
Ինչպես նշում են գերատեսչությունում, առաջարկվող գործարքը «օգուտ կբերի ԱՄՆ-ի արտաքին քաղաքականությանը եւ ազգային անվտանգությանը, քանի որ կամրապնդի կարեւոր դաշնակցի անվտանգությունը, որը եղել եւ մնում է այն ուժը, որը քաղաքական կայունություն եւ տնտեսական առաջընթաց է ապահովում Մերձավոր Արեւելքում»:
Այժմ գործարքը պետք է քննարկի ԱՄՆ-ի Կոնգրեսը: Արաբական Միացյալ Էմիրությունները մտնում Է Սաուդյան Արաբիայի գլխավորած կոալիցիայի մեջ, որը Եմենում ռազմարշավ է իրականացնում հուսիթ ապստամբների դեմ։
