Երբ վճռաբեկի նախագահը 180 հազար դոլարը պարտքով է տալիս. «Փաստ»
«Փաստ» օրաթերթը գրում է. «ՀՀ վճռաբեկ դատարանի նախագահ Արման Մկրտումյանը նախորդ տարի ավելի քան 185 հազար ԱՄՆ դոլար փոխառություններ է ունեցել: Այս մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից:
Այսպես, Մկրտումյանը հայտարարագրել է 185 հազար 790 ԱՄՆ դոլար փոխառություններ և 23 միլիոն 783 հազար դրամ տարեկան եկամուտ, որից 16 միլիոն 591 հազար և 376 հազար դրամը աշխատավարձեր են, իսկ 6 միլիոն 815 հազար դրամն էլ տրված փոխառությունների՝ վարկերի դիմաց ստացված տոկոսը կամ հատուցումը:
Պաշտոնյայի դրամական միջոցները նախորդ տարի ավելացել են 3 միլիոն դրամով: Տարեսկզբին նա ունեցել է 17 միլիոն, իսկ արդեն տարեվերջին՝ 20 միլիոն դրամ:
Կինը՝ Մարինե Մկրտումյանը, հայտարարագրել է միայն 30 հազար ամերիկյան դոլար դրամական միջոցներ»:
Ամբողջությամբ կարող եք կարդալ «Փաստ» թերթի այսօրվա համարում:
