«Ոչ, ճիշտ չեն այդ տեղեկությունները». Հերմինե Նաղդալյան
«Ոչ, ճիշտ չեն այդ տեղեկությունները»,- «Հաղթանակ» զբոսայգում լրագրողների հետ զրույցում ասաց Հերմինե Նաղդալյանը՝ հերքելով Վրաստանում Հայաստանի դեսպան նշանակվելու մասին լուրերը:
Նրա խոսքով՝ բոլորն են տեղյակ, թե ով է նշանակվելու Վրաստանում Հայաստանի դեսպան, սակայն, մանրամասներ չներկայացրեց:
Անդրադառնալով իր՝ ԱԺ փոխնախագահի պաշտոնը պահպանելու մասին հարցին, Նաղդալյանն ասաց. «Իսկ ինչո՞ւ եք ուզում ժամանակից շուտ իմանալ: Կգա ժամանակը, կիմանաք»:
Հարցին՝ իսկ ո՞ր հանձնաժողովում եք Ձեզ պատկերացնում, Նաղդալյանը պատասխանեց. «Ֆիզկուլտուրայի և սպորտի»: Դիտակմանը, թե նման հանձնաժողով չկա, արձագանքեց. «Կստեղծենք, եթե անպայման ինձ ինչ-որ հանձնաժողովում ուզում եք տեսնել, ինչ-որ գործի տեղավորել»:
