Մոուրինիոն ցանկանում է «Մանչեսթեր Յունայթեդ» հրավիրել «Մանչեսթեր Սիթիի» հարձակվող Սերխիո Ագուերոյին
«Մանչեսթեր Սիթիի» հարձակվող Սերխիո Ագուերոն հայտնվել է «Մանչեսթեր Յունայթեդի» հետաքրքրությունների շրջանակում: Հաղորդվում է, որ «Կարմիր սատանաների» գլխավոր մարզիչ Ժոզե Մոուրինիոն 28-ամյա արգենտինացուն դիտարկում է՝ որպես վնասվածք ստացած Զլատան Իբրահիմովիչին փոխարինող:
Ընդ որում, «Մանչեսթեր Յունայթեդը» մտադիր է ձեռք բերել Ագուերոյին «Ատլետիկոյի» հարձակվող Անտուան Գրիզմանի հետ միասին:
«Մանչեսթեր Սիթիի» գլխավոր մարզիչ Պեպ Գվարդիոլան չի պատրաստվում պահել Ագուերոյին, քանի որ որպես թիմի հիմնական հարձակվող՝ տեսնում է Գաբրիել Ժեզուսին: Բայց «քաղաքաբնակների» ղեկավարությունը, ամենայն հավանականությամբ, կցանկանա արգելափակել արգենտինացու տրանսֆերը դեպի «Մանչեսթեր Յունայթեդ»:
Անգլիայի առաջնության ընթացիկ մրցաշրջանի 28 խաղերում Ագուերոն դարձել է 18 գոլի և 2 ասիստի հեղինակ:
Պատրաստեց Անի Գաբուզյանը
