Սուրճի օգտակարությունը կավելանա մի քանի անգամ, եթե ավելացնեք այս բաղադրիչը
Սուրճի սիրահա՞ր եք։ Takprosto.cc կայքը գրում է, որ սուրճի մեջ կակաո ավելացնելով՝ կարող եք մի քանի անգամ մեծացնել դրա օգտակարությունը։
Թարմություն և էներգիա։ Այս ըմպելիքը մեծ քանակով հակաօքսիդանտներ և օգտակար հանքանյութեր է պարունակում, որոնք նպաստում են էնդորֆինի արտադրությանը։ Այն լավ տրամադրություն է հաղորդում, թարմություն և էներգիա։ Ըմպելիքը կարող են օգտագործել բոլոր նրանք, ովքեր մտավոր գործունեությամբ են զբաղվում և հաճախ են սթրեսի ենթարկվում։
Նիհարելու համար։ Սուրճը նպաստում է սննդի յուրացմանը, իսկ կակաոն հագեցածության զգացում է պարգևում։ Այդ պատճառով էլ բոլոր նրանք, ովքեր ցանկանում են ազատվել ավելորդ կիլոգրամներից, կարող են օրվա ընթացքում մեկ բաժակ այս ըմպելիքից խմել։
Նպաստում է տղամարդու առողջությանը։ Սուրճը հրաշալի միջոց է՝ տղամարդկանց մոտ վերարտադրողական ֆունկցիան լավացնելու համար։ Կակաոն սպիտակուցներ և արժեքավոր ճարպաթթուներ է պարունակում, որոնք լավացնում են սերմի որակը:
Գեղեցկության և երիտասարդության համար։ Սուրճն օգնում է պահպանել մաշկի առաձգականությունը, իսկ կակաոն մելանին է պարունակում, որը ուլտրամանուշակագույն ճառագայթները կլանելու հատկություն ունի։
Նյութը հրապարակման պատրաստեց 168.am-ը
