««Բավարիայի» ավագի հարցը որոշում են թիմը և ակումբը, այլ ոչ թե ես». Կարլո Անչելոտի
Մյունխենի «Բավարիայի» գլխավոր մարզիչ Կարլո Անչելոտին նշել է, որ անձամբ ինքը որոշում չի կայացնում թիմի ավագի ապագայի կապակցությամբ: Գերմանական գրանդի ներկայիս ավագ Ֆիլիպ Լամը ընթացիկ մրցաշրջանի ավարտից հետո մարզակոշիկները կկախի մեխից:
««Բավարիայի» ավագի հարցը որոշում են թիմը և ակումբը, այլ ոչ թե ես: Իտալացի մասնագետի խոսքերն է մեջբերում tz-ը:
Այն բանի վերաբերյալ, թե ով կփոխարինի Լամին պաշտպանության աջ եզրում, Անչելոտին ասել է. «Ջոշուա Կիմիխը վատ տարբերակ չէ այդ դիրքի համար»:
Բացի այդ Անչելոտին նշել է, որ իր ֆուտբոլիստները մոտիվացիայի հետ կապված պրոբլեմներ չունեն, չնայած այն բանին, որ Գերմանիայի առաջնության ավարտից 3 տուր առաջ արդեն նվաճել են չեմպիոնական տիտղոսը:
Պատրաստեց Անի Գաբուզյանը
