Չինաստանի ֆուտբոլի ֆեդերացիան Յոահիմ Լյովին առաջարկել է երկամյա պայմանագիր և 50 մլն եվրո

Բունդեսթիմի գլխավոր մարզիչը կարող է գլխավորել Չինաստանի հավաքականը:

Չինաստանի ֆուտբոլի ֆեդերացիան Յոահիմ Լյովին առաջարկել է գլխավորել ազգային հավաքականը: Համաձայնության դեպքում 57-ամյա մասնագետը տարեկան կստանա 25 մլն եվրո:

Ինչպես հաղորդում է AS-ը, չինացիները հույս ունեն, որ Լյովը կգլխավորի հավաքականը 2018թ. Աշխարհի առաջնությունից հետո:

Լյովի գլխավորությամբ Գերմանիայի հավաքականը հաղթել է 2014թ. Աշխարհի առաջնությունը:

Մարզիչի պայմանագիրը Գերմանական ֆուտբոլային միության հետ նախատեսված է մինչև 2020թ. հուլիսի 31-ը:

Պատրաստեց Անի Գաբուզյանը