«ՀՀ Նախագահը Հովիկ Աբրահամյանին ԱԱԽ քարտուղարի պաշտոնը ստանձնելու առաջարկ չի արել». Շարմազանով
Մամուլում տարածված տեղեկատվությունը, թե ՀՀ Նախագահ Սերժ Սարգսյանը նախկին վարչապետ Հովիկ Աբրահամյանին առաջարկել է ազգային անվտանգության խորհրդի քարտուղարի պաշտոնը, իրականությանը չի համապատասխանում: ՀՀԿ ԳՄ նիստից հետո լրագրողների հետ հանդիպմանն այս մասին ասաց ՀՀԿ խոսնակ, ԱԺ փոխնախագահ էդուարդ Շարմազանովը:
«Ես հայտարարում եմ, որ այդ լուրն անհեթեթություն է և իրականության հետ որևէ աղերս չունի»,- նշեց Շարմազանովը:
Նա հավելեց, որ ՀՀ Նախագահի կողմից Հովիկ Աբրահամյանին որևէ առաջարկ չի եղել, իսկ այդ հոդվածը ոչ այլ ինչ է, քան բացարձակ սուտ:
