Հարկահավաքման բարձր միտումները շարունակվել են նաև ապրիլին
Հարկային հավաքագրումներն աճել են, և այս տարվա առաջին եռամսյակի կտրվածքով հարկահավաքման ծրագիրը գերակատարվել է: Ինչպես այսօր կառավարության նիստից հետո լրագրողների հետ զրույցում հայտարարեց ֆինանսների նախարար Վարդան Արամյանը, 50 մլրդ դրամ ավելի է հավաքվել, ինչը թույլ է տվել ճշգրտել տարեկան ծրագիրը՝ 1 տրլն 135 մլրդ դրամը:
Ըստ նրա՝ ապրիլին գերակատարման միտումները շարունակվում են, հավաքագրվել է 107.5 մլրդ դրամի հարկային եկամուտ՝ նախորդ տարվա 97 մլրդ-ի փոխարեն. «Դա այնքան է, ինչքան մեզ անհրաժեշտ է, որ 1 տրլն 197 մլրդ դրամի ճշգրտված ցուցանիշին հասնենք»։
Վ.Արամյանը նշեց, որ հավելյալ եկամուտներն ուղղվելու են կապիտալ ծախսերին։
Մանրամասները՝ տեսանյութում
