«Ես այս մոլորակից եմ». Կրիշտիանու Ռոնալդու
Պորտուգալացին ողջույն է փոխանցել մի այլմոլորակայինի:
«Մենք մի քայլ մոտեցանք «Կարդիֆին» և երջանիկ ենք դրանից: Ինձ հիասքանչ եմ զգում: Ես ինձ այնպես էի նախապատրաստել, որպեսզի լավ մարզավիճակում մոտենամ Պրիմերայի և Չեմպիոնների լիգայի որոշիչ փուլերին:
Մի փոքր հաջողություն է պետք, բայց գործերը գերազանց են ընթանում: Ոչ միայն ինձ մոտ, այլ նաև՝ ամբողջ թիմի:
Ա՛յ դրա համար էլ ես ասում եմ, որ գործին հավատարիմ լինելու և ջանադրաբար աշխատելու պայմաններում արդյունքը պետք է գա: Ես երջանիկ եմ, ես հաջողակ եմ և ես այս մոլորակից եմ»,- ասել է Ռոնալդուն «Ռեալի» պաշտոնական կայքին:
«Արքայական ակումբը» ջախջախեց «Ատլետիկոյին» Չեմպիոնների լիգայի կիսաեզրափակչի առաջին խաղում 3:0 հաշվով: Բոլոր 3 գնդակները խփեց Կրիշտիանու Ռոնալդուն:
«Ատլետիկո»-«Ռեալ» պատասխան խաղը տեղի կունենա մայիսի 10-ին:
Պատրաստեց Անի Գաբուզյանը
