Բուլղարիայի նոր վարչապետ է դարձել Բոյկո Բորիսովը
Բուլղարիայի նոր վարչապետ է դարձել խորհրդարանական ընտրություններում հաղթանակ տարած «Քաղաքացիները հանուն Բուլղարիայի եվրոպական զարգացման» (ՔԲԵԶ) կուսակցության առաջնորդ Բոյկո Բորիսովը: Նրա թեկնածությունը քվեարկությամբ հաստատել է հանրապետության խորհրդարանը։
Ի պաշտպանություն Բորիսովի քվեարկել է 133 պատգամավոր: Դեմ է արտահայտվել 100 ժողովրդական ընտրյալ: Դրանից հետո պատգամավորները պաշտպանել են Բորիսովի կողմից առաջարկված կառավարության կազմը, որի մեջ մտել են 18 նախարարներ:
Նախարարների կաբինետի կազմում առաջին անգամ հայտնվել է ԵՄ-ում Բուլղարիայի նախագահության նախարարություն:
Գյուղատնտեսության եւ պարենամթերքի նախարարությունը վերակազմվել է գյուղատնտեսության, պարենամթերքի եւ անտառային տնտեսության նախարարության, հաղորդել է ՏԱՍՍ գործակալությունը:
