Ավտովթար Արտաշատ քաղաքում. կա տուժած
Ապրիլի 29-ին, ժամը 20:45-ին տեղեկություն է ստացվել, որ Արարատի մարզի Արտաշատ քաղաքի Օգոստոսի 23 փողոցում տեղի է ունեցել ՃՏՊ. անհրաժեշտ է փրկարարների օգնությունը:
Պարզվել է, որ բախվել են «ВАЗ-2106» մակնիշի 34 QF 994 (վարորդ՝ 1990 թ. ծնված Ա. Պ.) և «BMW» մակնիշի 10 LL 461 (վարորդ՝ 1984 թ. ծնված Գ. Հ.) պետհամարանիշերով ավտոմեքենաները:
Փրկարարները «ВАЗ-2106» մակնիշի ավտոմեքենայի վարորդ Ա. Պ.-ին դուրս են բերել ավտոմեքենայից և մոտեցրել շտապօգնության ավտոմեքենային, վերջինս հոսպիտալացվել է Էրեբունի ԲԿ:
