Wiwibloggs-ն անդրադարձել է «Եվրատեսիլ»-ում Գերմանիայի ներկայացուցչի՝ Ծիծեռնակաբերդ կատարած այցին
«Եվրատեսիլ»-ի Wiwibloggs կայքն անդրադարձել է մրցույթում Գերմանիայի ներկայացուցիչ Լևինայի այցելությանը Ծիծեռնակաբերդ։ «Եվրատեսիլ» մրցույթի Գերմանիայի ներկայացուցիչ Լևինան Հայաստան կատարած այցի ընթացքում հարգանքի տուրք է մատուցել Հայոց ցեղասպանության զոհերի հիշատակին։
«Գերմանիայի ներկայացուցչի պրոմոտուրը նշանավորվեց Ցեղասպանության զոհերի հիշատակին նվիրված հուշահամալիր կատարած այցով»,- նշված է կայքում։
Լևինան Ծիծեռնակաբերդ էր այցելել մրցույթի հայաստանյան ներկայացուցչի` Արծվիկ Հարությունյանի ուղեկցությամբ։ Երևանյան այցի շրջանակում գերմանացի երգչուհին եղել է Կասկադում, Կոմիտասի անվան թանգարանինստիտուտում, ծանոթացել մեծ երգահանի արվեստին, որի ստեղծագործություններից մեկը նա կատարել էր «Celebrate Diversity» ֆլեշմոբի շրջանակում։
