Մայքլ Օուենը մեկնաբանել է Մխիթարյանի գոլն «Անդերլեխտի» հետ խաղում
Անգլիայի ֆուտբոլի ազգային հավաքականի նախկին հարձակվող Մայքլ Օուենն անդրադարձել է «Մանչեսթեր Յունայթեդի» կիսապաշտպան Հենրիխ Մխիթարյանի գոլին բելգիական «Անդերլեխտի» դեմ Եվրոպայի լիգայի 1/4 եզրափակչի առաջին խաղում:
Ինչպես հաղորդում է բրիտանական Mirror պարբերականը, Օուենն ընդգծել է, որ այդպիսի դրվագներում բոլորը սպասում են գոլի, սակայն իրականում այնքան էլ հեշտ չէ նման դիրքերից գոլ խփել: «Այդպիսի դրվագում բոլորը սպասում են գոլի, բայց եթե ուշադիր նայենք խաղացողի դիրքին, առաջանում է հարց՝ գուցե դա այնքան էլ հեշտ չէ, ինչպես բոլորն են մտածում: Դարպասը դատարկ է և պարզապես պետք է գնդակն ուղարկել ցանցը. այդպիսին է երկրպագուների դիրքորոշումը: Սակայն, երբ գնդակը շարժման մեջ է և պետք է ձախ ոտքով հարվածել այդպիսի սուր անկյունից, դա չի կարող հեշտ լինել»,- ասել է Մայքլ Օուենը:
Եվրոպայի լիգայի քառորդ եզրափակչի առաջին խաղում «ՄանչեսթերՅունայթեդը» մրցակցի հարկի տակ ոչ ոքի 11 հարվածով ավարտեց հանդիպումը: «Մանչեսթեր Յունայթեդի» կազմում միակ գոլը հեղինակեց Հայաստանի ֆուտբոլի ազգային հավաքականի կիսապաշտպան Հենրիխ Մխիթարյանը: Մխիթարյանը նաև ճանաչվեց այդ հանդիպման լավագույն ֆուտբոլիստ:
