Բաժիններ՝

Ծանրորդ Սոնա Պողոսյանը դարձավ Եվրոպայի առաջնության բրոնզե մեդալակիր

Ծանրամարտի Հայաստանի կանանց հավաքականի անդամ, 31-­րդ ամառային Օլիմպիական խաղերի մասնակից Սոնա Պողոսյանը դարձավ Եվրոպայի առաջնության բրոնզե մեդալակիր:

Խորվաթական Սպլիտ քաղաքում ընթացող ծանրամարտի Եվրոպայի առաջնությունում պայքարի մեջ մտան 75 կգ քաշային կարգում հանդես եկող կանայք: Հայաստանի ներկայացուցիչ Սոնա Պողոսյանը պոկեց 101 կգ: Հրում վարժությունում Պողոսյանը բարձրացրեց 126 կգ և արժանացավ փոքր արծաթե մեդալի: Երկամարտի 227 կգ արդյունքով Սոնան Պողոսյանը դարձավ Եվրոպայի առաջնության բրոնզե մեդալակիր:

Ապրիլի 7-­ին 94 կգ քաշային կարգում հանդես եկող Կարուշ Ղուկասյանը ժամը 16:30-­ին կմրցի B խմբում: 105 կգ քաշային կարգում հանդես եկող, Օլիմպիական խաղերի փոխչեմպիոն Սիմոն Մարտիրոսյանը և Սամվել Գասպարյանը մեդալների համար կպայքարեն ապրիլի 8­-ին Երևանի ժամանակով 9:00-­ին: Նույն օրը 19:10-­ին գերծանր քաշայիններ Գոռ Մինասյանը և Ռոբեն Ալեքսանյանը կմտնեն մրցակցության մեջ:

Բաժիններ՝

Տեսանյութեր

Լրահոս