ԱՄՆ-ը ՄԱԿ-ի ԱԽ արտահերթ նիստ է հրավիրել իրանական հրթիռների փորձարկումների պատճառով
ՄԱԿ-ի Անվտանգության խորհուրդը հունվարի 31-ին արտակարգ նիստ է հրավիրելու՝ կապված Իրանում արտադրված միջին հեռահարության բալիստիկ հրթիռների փորձարկումների հետ։
Շտապ խորհրդատվություններ հրավիրելու հարցումը ԱՄՆ ներկայացուցիչը ուղարկել էր այն բանից հետո, երբ ՄԱԿ-ում Իսրայելի մշտական ներկայացուցիչ Դաննի Դանոնը կոչ էր արել արձագանքել, հայտնում է Reuters-ը։
Դանոնը հայտարարել է, որ փորձարկումն անցկացվել է հունվարի 29-ին Թեհրանից 225 կմ հեռավորության վրա գտնվող Սեմնան քաղաքից հեռու գտնվող հայտնի թեսթային հարթակում և այն խախտում է ՄԱԿ-ի բանաձևերը, որոնք արգելում են Թեհրանին միջուկային պոտենցյալ ունեցող հրթիռներ փորձարկել։
Թեհրանը հայտարարել է, որ իրանական հրթիռները երբեք չեն հագեցվի միջուկային մարտագլխիկներով։
2015թ. հուլիսին ընդունված ՄԱԿ-ի թիվ 2231 բանաձևը կոչ է անում Իրանին նման փորձարկումներ չկատարել։
