Իրանը բալիստիկ հրթիռի փորձարկում է անցկացրել
Իրանը ԱՄՆ նախագահ Դոնալդ Թրամփի նախագահությունից հետո առաջին անգամ միջին հեռահարության բալիստիկ հրթիռի փորձարկում է անցկացրել, հայտնում է Fox News-ը՝ վկայակոչելով ամերիկյան պաշտոնյաներին։
Փորձարկումն անցկացվել է հունվարի 29-ին Թեհրանից 225 կմ հեռավորության վրա գտնվող Սեմնան քաղաքից հեռու գտնվող հայտնի թեսթային հարթակում։
Հրթիռը անցել է մոտ 966 կմ մինչ պայթելը։
Նշենք, որ 2015թ. հուլիսին ընդունված ՄԱԿ-ի թիվ 2231 բանաձևը կոչ է անում Իրանին նման փորձարկումներ չկատարել։
