«Իրանը կփոխգործակցի աշխարհի հետ, քանի որ դա ծառայում է երկրի ազգային շահերին». Ռոհանի
Իրանի նախագահ Հասան Ռոհանին հայտարարել է, որ աշխարհի հետ փոխգործակցությունը ծառայում է Իրանի ազգային շահերին, տեղեկացնում է IRNA գործակալությունը։
Երկրի ղեկավարն այդ հայտարարությունն արել է Իրանի Իսլամական հեղափոխության հաղթանակի 38-րդ տարեդարձի կապակցությամբ Թեհրանում՝ իմամ Խոմեյնիի դամբարանում։
Այսօր Իրանի նախագահն ու կառավարության անդամները այցելել են դամբարան։
«Մենք քսենոֆոբներ չենք, մենք մուսուլմաններ ենք, հեղափոխականներ ու իրանցիներ և մյուս ժողովուրդներից և քաղաքակրթություններից ունեցած մեր նմանությամբ և տարբերությամբ պատրաստ ենք փոխգործակցել աշխարհի հետ, քանի որ դա համապատասխանում է Իրանի ազգային շահերին»,- հավելել է Իրանի նասխագահը։
Նրա խոսքով՝ կարևոր է պահպանել սկզբունքները, նպատակներն ու չափորոշիչները, որոնք ապահովում են ազգային արժեքների պահպանությունը, հակառակ դեպքում այդ մոտեցումները կարող են փոխվել։
