Բրիտանական իշխանությունները հրաժարվել են չեղարկել թագուհու կողմից Թրամփի ընդունելությունը
Մեծ Բրիտանիայի կառավարությունում մերժել են չեղարկել ԱՄՆ նախագահ Դոնալդ Թրամփի այցը երկիր՝ նրա կողմից ներգաղթյալների դեմ կոշտ սահմանափակումների պատճառով, հայտնում է BBC-ն։
Մեծ Բրիտանիա պետական այցը նախատեսում է թագուհի Եղիսաբեթ 2-րդ կողմից օտարերկրյա ղեկավարի ընդունելություն։ Դրա դեմ արդեն հանդես են եկել բանաձևի հեղինակները, որն ստորագրել է մոտ 1 մլն բրիտանացի։
Թրամփը Մեծ Բրիտանիա այցելելու պաշտոնական հրավերն ստացել է երկրի վարչապետ Թերեզա Մեյի հետ Վաշինգտոնում առաջին հանդիպման ժամանակ։
Որպես Թրամփի հանդիպումն արգելող հիմնավորում՝ բանաձևի հեղինակները մատնանշում են նրա հայացքները ու վուլգար վարքագիծը, որը, ըստ նրանց, բացառում է թագուհու կամ Ուելսի արքայազնի կողմից ԱՄՆ 45-րդ նախագահի ընդունելությունը
Փաստաթղթի տեքսում ասվում է, որ նման ընդունելությունը կարող է թագուհուն անհարմար վիճակի մեջ դնել։
Միևնույն ժամանակ, բանաձևը չի բացառում Դոնալդ Թրամփի հնարավոր մուտքը Մեծ Բրիտանիա՝ սովորական աշխատանքային այցի շրջանակում՝ առանց թագավորական ընտանիքի անդամների հետ հանդիպման։
