«Մեր երկիրը պետք է կառավարի միանձնյա առաջնորդ». Վիտալի Բալասանյան
Լեռնային Ղարաբաղի Հանրապետության անվտանգության խորհրդի քարտուղար, Արցախի հերոս Վիտալի Բալասանյանը ԼՂՀ-ում կառավարման նախագահական համակարգը միանշանակ ճիշտ է համարում։ Այդ մասին Բալասանյանը նշեց «Եռաբլուր»-ում լրագրողների հետ զրույցում:
Պատասխանելով փետրվարի 20-ին ԼՂՀ-ում կայանալիք սահմանադրական հանրաքվեի մասին հարցին՝ Վիտալի Բալասանյանն ասաց. «Նախագահական մոդելը միանշանակ ճիշտ է։ Մեր երկիրը պետք է կառավարի միանձնյա առաջնորդ, քանի որ մենք դեռևս պատերազմական իրավիճակում ենք»։
Դիտարկմանը, թե շատերը պնդում են, որ սահմանադրական փոփոխություններն ուղղված են իշխանության վերարտադրությանը, Բալասանյանն ասաց. «Չի կարելի նման գնահատականներ անել։ Ժամանակը կգա, և մենք ամեն բան կտեսնենք»։
