Թուրքիայում 7 ռուսներ մեղադրվում են ահաբեկչություններ կազմակերպելու մեջ. Hurriyet
9 մարդ, ներառյալ ՌԴ-ի 7 քաղաքացի, կանգնել է դատարանի առաջ ինչպես ահաբեկչական ԴԱԻՇ խմբավորմանն առնչություն ունենալու, այնպես էլ Թուրքիայի տարածքում ահաբեկչություններ կազմակերպելու մեղադրանքով, գրում է Hurriyet թերթը։
Դրա տեղեկություններով՝ կասկածյալները պլանավորում էին հարձակումներ իրականացնել 2016թ. հուլիսին, սակայն հայտնաբերվել էին թուրքական հատուկ ծառայությունների կողմից։ Նրանց սպառնում է մինչև 15 տարվա ազատազրկում։
Համաձայն մեղադրական եզրակացության՝ ահաբեկչությունները նախատեսվում էր իրականացնել ինքնաթիռների մոդելների օգնությամբ, որոնք ի վիճակի են եղել տեղափոխել մինչև 50 կգ պայթուցիկներ։ Դրանք Ստամբուլ էին ուղարկվել Սիրիայի հետ սահմանակից Շանլըուրֆա նահանգից։
