Շոյգուն հանձնարարել է ամրացնել Ռուսաստանի հարավային զորքերը
ՌԴ պաշտպանության նախարարությունը կշարունակի ամրացնել Հարավային ռազմական շրջանում զորքերը Ուկրաինայի հարավ-արևելքում իրավիճակի ու համաշխարհային ահաբեկչության սպառնալիքի պատճառով, հայտարարել է ՌԴ պաշտպանության նախարար Սերգեյ Շոյգուն այսօր։
Այս մասին տեղեկացնում է RIA Novosti-ն։
Նրա խոսքով՝ ռազմաքաղաքական իրավիճակը հարավարևմտյան ռազմավարական ուղղությամբ շարունակում է մնալ անկայուն։
«Դրա վրա բացասական ազդեցություն են գործում առաջին հերթին Ուկրաինայի հարավ-արևելքում իրավիճակն ու միջազգային ահաբեկչական կազմակերպությունների գործունեությունը, Հյուսիսային Կովկասի տարածքում խմբավորումները»,- ասել է Շոյգուն ՊՆ կոլեգիայի նիստում։
Այդ պայմաններում, նրա խոսքով, անհրաժեշտ է շարունակել աշխատանքը՝ կատարելագործել շրջանի զորքերի մարտական կազմը, պայմանագրային զինծառայողների հավաքագրել, զորքերը հագեցնել նոր սպառազինությամբ ու ռազմական տեխնիկայով, զարգացնել ենթակառուցվածքները։
