«Ժամանակ է անհրաժեշտ՝ հաղթահարելու ՌԴ-ի և ԱՄՆ-ի հարաբերություններին հասցված վնասը». Լավրով
ԱՄՆ-ի և Ռուսաստանի հարաբերություններր ճգնաժամը, որը առաջացել է ԱՄՆ նախագահ Բարաք Օբամայի օրոք, կարող է հաղթահարվել միայն ժամանակի ընթացքում և երկու կողմերի լրջագույն աշխատանքի դեպքում, հայտարարել է ՌԴ ԱԳՆ ղեկավար Սերգեյ Լավրովը Պետդումայում լսումների ժամանակ։
«Բարաք Օբամայի ժամանակ ռուս-ամերիկյան հարաբերություններին հասցված ծանրագույն վնասի հաղթահարման համար անհրաժեշտ է ժամանակ և լուրջ աշխատանք։
Մենք, ինչպես նշել է ՌԴ նախագահը, պատրաստ ենք անցնել ճանապարհի մեր մասը՝ մեր ժողովուրդների կապերի և հետաքրքրությունների առողջացման համար, հանուն գլոբալ անվտանգության ու կայունության»,- ասել է Լավրովը, որի խոսքերը մեջբերում է TASS-ը։
