Պամելա Անդերսոնը ռուսական էկո-մուշտակ կնվիրի Մելանիա Թրամփին
Հոլիվուդյան դերասանուհի Պամելա Անդերսոնը ռուսական էկո-մորթուց մուշտակ կնվիրի ԱՄՆ առաջին տիկին Մելանիա Թրամփին, հաղորդում է The Hill-ը։
«Ես պատրաստվում եմ նրան նվիրել իմ ռուսական էկո-մորթուց պատրաստված մուշտակներից մեկը, քանի որ ներկայումս Ռուսաստանում զբաղվում եմ մուշտակների դիզայնով»,- ասել է Անդերսոնը Վաշինգտոնում կենդանիների պաշտպանության նվիրված միջոցառմանը։
Դերասանուհու խոսքով՝ ինքը չգիտի ԱՄՆ նախագահի՝ կենդանիների իրավունքների նկատմամբ ունեցած վերաբերմունքի մասին, սակայն լսել է, որ նրա կնոջ սիրելի մոդելյերը «վեգան դիզայներ» Մարկ Բաուերն է։
Ավելի վաղ Անդերսոնը կոչ էր արել հետևել իր օրինակին ու կրել բնական մորթու էկոլոգիական փոխարինողից պատրաստված մուշտակներ։
