Ցուկերբերգը չի առաջադրվի ԱՄՆ նախագահի պաշտոնում. ԶԼՄ-ներ
Facebook սոցցանցի հիմնադիր Մարկ Ցուկերբերգը BuzzFeed պորտալին տված հարցազրույցում հայտարարել է, թե չի պլանավորում առաջադրվել ԱՄՆ նախագահական ընտրություններին։
«Ո՛չ»,- գրել է Ցուկերբերգը՝ ի պատասխան պորտալի հարցի, թե արդյոք պլանավորում է մասնակցել նախագահական քարոզարշավին։
«Ես կենտրոնացած եմ Facebook-ի և Chan Zuckerberg Initiative հիմնադրամի աշխատանքների վրա»,- պորտալը մեջբերել է Ցուկերբերգի խոսքերը։
Ավելի վաղ ԶԼՄ-ները հայտնել էին, թե նա պատրաստվում է մասնակցել 2020թ. կայանալիք ԱՄՆ նախագահական ընտրարշավին։
