«Մինչև 5 մլն մարդ ընտրություններում քվեարկել է անօրինական եղանակով». Թրամփ
ԱՄՆ նախագահ Դոնալդ Թրամփը կարծում է, որ մինչև 5 մլն մարդ անօրինական կերպով քվեարկել է ԱՄՆ նախագահական ընտրությունների ընթացքում, հայտարարել է Սպիտակ տան ներկայացուցիչը։
Սպիտակ տան մամուլի քարտուղար Շոն Սփայսերը ասել է, որ Թրամփը այդ համոզմունքն ունի՝ նկատի ունենալով հետազոտություններն ու վկայությունները, սակայն չի հայտնել, թե հատկապես ինչի մասին է խոսքը։
Նախկինում հենց այդպես էր Դոնալդ Թրամփը բացատրում փաստը, որ Հիլարի Քլինթոնի օգտին ավելի շատ ընտրող է քվեարկել, քան իր, սակայն այդ պնդումները հավանության չէին արժանացել հասարակության շրջանում։
Թրամփը, որը առաջին անգամ այդ մասին գրել էր իր Twitter-ում, ոչ մի ապացույց չէր ներկայացրել։
ԱՄՆ Դեմոկրատական կուսակցությունից նախագահի թեկնածու Հիլարի Քլինթոնը 3 մլն ձայն ավելի էր ստացել, քան հանրապետական Թրամփը, հայտնում է BBC-ն։
