Սուրիկ Խաչատրյանը պայքարում է Ծառուկյանի դաշինքի ցուցակում հայտնվելու համար. «Փաստ»
«Փաստ» թերթի տեղեկություններով` «Սյունիքի նախկին մարզպետ Սուրիկ Խաչատրյանը, չնայած հայտարարել է, թե ինքը քաղաքականությունից այլեւս հեռացել է (թե նրա քաղաքականը ո՞րն է), սակայն նոր ուղղությամբ սկսել է ինտենսիվորեն քայլեր ձեռնարկել: «Փաստի» տեղեկություններով և՛ միջնորդավորված, և՛ ուղղակիորեն փորձում է ստանալ Գագիկ Ծառուկյանի «դաբրոն» եւ հայտնվել նրա դաշինքի ցուցակում (կարեւոր չէ` ռեյտինգային, թե` համամասնական):
Եթե հանկարծ իր խնդիրն անլուծելի լինի, Լիսկան փորձելու է իր թեկնածուին խցկել այդ ցուցակի մեջ: Մեր տեղեկություններով` նա Ծառուկյանից դրական արձագանք չի ստացել: Սակայն Խաչատրյանը չի հուսահատվում եւ համառորեն շարունակում է գործել իր նպատակին հասնելու համար»:
Ամբողջությամբ կարող եք կարդալ «Փաստ» թերթի այսօրվա համարում:
