Կանանց շրջանում ինֆարկտն այլ կերպ է արտահայտվում. 5 տարօրինակ և անսպասելի նշան, որոնք չի կարելի արհամարհել

Marketium.ru կայքը գրում է, որ կանանց շրջանում դեպքերի մեծամասնությունում ինֆարկտի նշանները թույլ են արտահայտված կամ առհասարակ արտահայտված չեն։ Ինֆարկտը կանանց շրջանում մահացության հիմնական պատճառներից մեկն է։ Այդ պատճառով էլ կարևոր է իմանալ այս վտանգավոր հիվանդության նշանները։

Ուշադրություն դարձրեք կզակից մինչև պորտ ընկած հատվածում առաջացող բոլոր տարօրինակ նշաններին։ Բժիշկները զգուշացնում են, որ հարկավոր է ուշադրություն դարձրել այս հատվածում առաջացող բոլոր ցավերին։ Հիշեք, որ ինֆարկտը կարող է արտահայտվել ոչ միայն ցավի, այլև կրծքավանդակի շրջանում անհարմարության ձևով։ Նշաններից մեկը կարող է լինել նաև սննդի չմարսելը կամ որովայնի հետ կապված խնդիրները։ Հաճախ սրտի հետ կապված խնդիրներն ուղեկցվում են սրտխառնոցով, գլխապտույտով կամ փսխումով։ Բացի այդ, հիվանդը կարող է զգալ նաև արտահայտված հոգնածություն, հևոց։

Հիշեք, որ ամենափոքր կասկածի կամ վատ զգալու դեպքում հարկավոր է շտապօգնություն զանգահարել։

Նյութը հրապարակման պատրաստեց 168.am-ը