Դուբայում շուրջ 300 մլն դոլար արժողությամբ կենդանաբանական այգի է բացվելու
Դուբայի՝ 1 մլրդ դիրհամ (270 մլն դոլար) արժողությամբ Dubai Safari կենդանաբանական այգին կբացվի 2017 թվականի սեպտեմբերին: Այդ մասին հայտնել է Gulf News հրատարակությունը:
Նախագծի առաջին փուլում կենդանաբանական այգին կտեղավորի 3,5 հազար կենդանիների:
Ավելի վաղ նշվել էր, որ նախագծի իրացումը կավարտվի արդեն այս տարվա ապրիլին, սակայն, վերջին տվյալների համաձայն, սաֆարի-կենդանաբանական այգին կսկսի հյուրերին ընդունել միայն ամառվանից հետո:
Կենդանաբանական այգին կառուցվել է բաց «սաֆարիի» սկզբունքով, որտեղ կարելի Էէ զբոսանք կատարել սեփական փոխադրամիջոցով: Այստեղ կտեղավորվեն «ասիական, աֆրիկյան եւ արաբական «ավաններ», նշում Է հրատարակությունը, ինչպես նաեւ անասնաբուժական հոսպիտալ եւ հետազոտական կենտրոն, հաղորդել է ՌԻԱ Նովոստին:
