Փարիզի մետրոյում անհայտ տղամարդը դանակով հարձակվել է ուղևորների վրա
Անհայտ տղամարդը զինված հարձակում է իրականացրել Փարիզի մետրոյի ուղևորների վրա։ Այս մասին հայտնում է Le Parisien-ը։
Հունվարի 19-ին չարագործը դանակի 3 հարված է հասցրել մի տտղամարդու, ապա հեռացել դեպքի վայրից։ Տուժածին ցուցաբերել են առաջին օգնություն, նրան տեղափոխել են հիվանդանոց։
Ավելի ուշ մետրոյի մեկ այլ կայարանում նույն մարդը դանակով սպառնացել է ևս մեկ ուղևորի, սակայն չի հարձակվել վերջինիս վրա։
Երրորդ դեպքի մասին հայտնի է դարձել այն բանից հետո, երբ 2 անցորդ ոստիկաններին հայտնել են իրենց վրա դանակով հարձակվել պատրաստվող տղամարդու մասին։
Հայտարարվել է հետախուզում։
