«Գրիզմանը դեռ երկար ժամանակ կլինի մեր ֆուտբոլիստը». «Ատլետիկոյի» նախագահ
«Ատլետիկոյի» նախագահ Էնրիկե Սերեսոն մեկնաբանել է թիմի հարձակվող Անտուան Գրիզմանի՝ ամռանը «Մանչեսթեր Յունայթեդ» հնարավոր տեղափոխությունը:
«Չգիտեմ, թե «Մանչեսթեր Յունայթեդի» ինչ հետաքրքրության մասին է խոսքը Գրիզմանի նկատմամբ: Բայց կարող եմ ասել, որ նա դեռ երկար ժամանակ կլինի «Ատլետիկոյի» ֆուտբոլիստ»,- ասել է Սերեսոն:
Ավելի վաղ հաղորդվել էր, որ «Մանչեսթեր Յունայթեդը» պատրաստ է ակտիվացնել հարձակվողի հրաժարագնի մասին կետը 100 մլն եվրոյով:
2014 թվականին Գրիզմանը «Սոսիեդադից» տեղափոխվել է «Ատլետիկո» 30 մլն եվրոյով: Նրա պայմանագիրը մադրիդյան ակումբի հետ նախատեսված է մինչև 2021թ.:
Պատրաստեց Անի Գաբուզյանը
