Ծեծկռտուք Թուրքիայի խորհրդարանում, տուժել է 2 կին պատգամավոր

Թուրքիայի խորհրդարանում սահմանադրական բարեփոխումների քննարկման ընթացքում, որը ենթադրում է անցում կառավարման խորհրդարանական համակարգից նախագահականի, ծագած ծեծկռտուքի հետևանքով 2 կին պատգամավոր վնասվածքներ է ստացել, հայտնում է Hurrieyt թերթը։

Ծեծկռտուքը ծագել է Թուրքիայի Սահմանադրության փոփոխությունների կողմնակիցների ու հակառակորդների միջև այն բանից հետո, երբ անկախ կին պատգամավոր Այլին Նազլըաքան իրեն ձեռնաշղթայել է խորհրդարանի ամբիոնից՝ այդկերպ բողոքելով օրինագծի դեմ ու բոյկոտելով խորհրդարանական քննարկումները:

Իշխող «Արդարություն և զարգացում» կուսակցության պատգամավորները փորձել են նրան քաշելով հեռացնել տրիբունայից, ինչից հետո Այլին Նազլըաքային օգնության են շտապել ընդդիմադիր կուսակցության պատգամավորները։

Ծեծկռտուքի հետևանքով վնասվածքներ է ստացել «Արդարություն և զարգացում» կուսակցության մեկ պատգամավոր և մեկ կին պատգամավոր քրդամետ «Ժողովուրդների դեմոկրատիա» կուսակցությունից։

Երկու կանայք նիստերի դահլիճից դուրս են բերվել պատգարակներով։

https://www.youtube.com/watch?v=NSSnYIXlbxA

https://www.youtube.com/watch?v=5Nzskie-kDI