Ինչպես է բժիշկը փորձել բռնաբարել ինքնասպանության փորձ կատարած աղջկան. մանրամասներ. «Իրավունք»
«Իրավունք» թերթը գրում է. «Մեծ աղմուկ է բարձրացել Կապանի բժշկական կենտրոնում արձանագրված պատմության շուրջ: Հիշեցնենք, օրերս մեղադրանքներ հնչեցին, որ երիտասարդ աղջիկը, հիվանդանոց տեղափոխվելուց հետո, բժիշկ-անասթեզիոլոգի կողմից սեռական ոտնձգության է ենթարկվել:
Նշենք, որ ըստ լուրերի, 18-19 տարեկան աղջիկը ԲԿ էր տեղափոխվել ինքնասպանության փորձ կատարելուց հետո բուժօգնություն ստանալու նպատակով: Դեպքի վերաբերյալ մեզ որոշ մանրամասներ հաջողվեց պարզել: Մասնավորապես, որ դեպքը տեղի է ունեցել գիշերը ժամը 3-ի սահմաններում: Ըստ աղբյուրի, բժիշկը հիվանդին կանչել է բժիշկների սենյակ և աղջկա կամքին հակառակ, փորձել է սեռական հարաբերություն ունենալ նրա հետ: Սակայն 19-ամյա աղջիկը դիմադրություն է ցույց տվել և դուրս վազել սենյակից: Իսկ առավոտյան հաղորդում է ներկայացրել իրավապահ մարմիններին:
Մենք փորձեցինք Կապան բկ-ի տնօրենից պարզ բանում ստանալ վերոհիշյալի վերաբերյալ, բայց մեզ ԲԿ-ից և ոչ մեկի հետ կապվել չհաջողվեց: Իսկ Սյունիքի մարզպետի մամլո խոսնակ Վազգեն Սաղաթելյանը նշեց, որ բկ-ն երեկվանից նոր տնօրենի պաշտոնակատար ունի և չի կարող պատասխանել իրենից առաջ կատարված դեպքերին վերաբերող հարցերին»:
Ամբողջությամբ կարող եք կարդալ «Իրավունք» թերթի այսօրվա համարում։
